Hľadaný výraz: Mt 3,13-17; Mk 1,9-11; Lk 3,21-22; Jn 1,29-34, Preklad: Hebrejský - Moderný, Počet výsledkov: 4
| 13 ויבא ישוע מן הגליל הירדנה אל יוחנן להטבל על ידו׃ 14 ויוחנן חשך אותו לאמר אני צריך להטבל על ידך ואתה בא אלי׃ 15 ויען ישוע ויאמר אליו הניחה לי כי כן נאוה לנו למלא כל הצדקה וינח לו׃ 16 ויהי כאשר נטבל ישוע וימהר לעלות מן המים והנה נפתחו לו השמים וירא את רוח אלהים יורדת כיונה ונחה עליו׃ 17 והנה קול מן השמים אומר זה בני ידידי אשר רצתה נפשי בו׃ |
| 9 ויהי בימים ההם ויבא ישוע מנצרת אשר בגליל ויטבל על ידי יוחנן בירדן׃ 10 ויהי אך עלה עלה מן המים וירא את השמים נבקעים והרוח כיונה ירדת עליו׃ 11 ויהי קול מן השמים אתה בני ידידי אשר רצתה נפשי בו׃ |
| 21 ויהי בהטבל כל העם וגם ישוע נטבל ומתפלל ויפתחו השמים׃ 22 וירד עליו רוח הקדש בדמות גוף כיונה ויהי קול מן השמים ויאמר אתה בני ידידי בך רצתה נפשי׃ |
| 29 ויהי ממחרת וירא יוחנן את ישוע בא אליו ויאמר הנה שה האלהים הנשא חטאת העולם׃ 30 זה הוא אשר אמרתי עליו אחרי יבא איש אשר היה לפני כי קדם לי היה׃ 31 ואני לא ידעתיו כי אם בעבור יגלה בישראל באתי אני לטבל במים׃ 32 ויעד יוחנן ויאמר חזיתי הרוח כדמות יונה ירדת משמים ותנח עליו׃ 33 ואני לא ידעתיו אולם השלח אתי לטבל במים הוא אמר אלי את אשר תראה הרוח ירדת ונחה עליו הנה זה הוא אשר יטבל ברוח הקדש׃ 34 ואני ראיתי ואעידה כי זה הוא בן האלהים׃ |
